ރައީސް ނަޝީދުގެ ހެއްލުންތެރި ވާހަކަތަކަށް ނުހެއްލެމާ

އައްސަލާމު ޢަލައިކުމް ވަރަޙްމަތު ﷲ ވަބަރަކާތުހު

މިއަދު އަޅުގަނޑުމެންގެ ތެރެއިން އެކަކުވެސް ދެބަސްނުވާނެ ޙަޤީޤަތަކީ މިހާރު ދިވެހިރާއްޖޭގައި އޮތް ސަރުކާރު ހިންގަމުންދާ އޮޅީގެ މައިގަނޑު ބާރުވެރިކަން އޮތީ ދިވެހި ރައްޔިތުންގެ ޑިމޮކްރެޓިކް ޕާރޓީގެ (އެމް.ޑީ.ޕީ) އަތުގައިކަން. އެއަށްފަހު ދެން ފެންނަން އޮތް ޙަޤީޤަތަކީ އެޕާރޓީގެ ރައީސަކީ 2008 ގައި މިރާއްޖޭގައި ވެރިކަން ކުރައްވަން ލިބިވަޑައިގަތުމުން، ދައުރު ދެބައި ނުވަނީސް ހަށިފޮޅާލާފައި ގެއަށް ވަޑައިގެންނެވި ރައީސް މުޙައްމަދު ނަޝީދު (އަންނި) ކަން. ހަމަ މިއާއި އެކު އަންނި އަށް ތާއީދު ކުރާ މަޖިލީސް މެމްބަރުންވެސް ތިއްބެވި އަދި އެމް.ޑީ.ޕީ ގެ ސާފު އަޣުލަބިއްޔަތު އޮތް ރައްޔިތުންގެ މަޖިލީހެއްގެ ފުރިހަމަ 5 އަހަރުގެ ދައުރެއް ގާތްގަނޑަކަށް ލިބިގެން ގޮސްފައިވާ މިސަރުކާރުގެ ކަންކަން، އަންނި މިހާރު ފައްޓަވާފައިވާ ކެމްޕެއިން ބައްދަލުވުންތަކުގައި، އެ ވިދާޅުވާ ބީދައިން އބޭފުޅާގެ ވެރިކަމެއްގައި ރަނގަޅުކޮށްދެވޭނެ ކަމަށްވާނަމަ ކީއްވެތޯ މިހާރު ވަގުތުން ވަގުތަށް ރައްޔިތުން މިވާ ދަތި ޙާލުން ސަލާމަތްކޮށްދިނުމަށް މަސައްކަތް ނުކުރައްވާ، ވެރިކަމަށް އައުމުގެ ބުރަމަސައްކަތް އަނެއްކާވެސް މިފެއްޓެވީ

އަންނި އެވިދާޅުވާ ގޮތަށް އިސްލާމީ ވެރިކަމެއް ކުރުމުގެ ނިޔަތް އޮވެ، އެކަން ކުރުމުގެ ބާރާއި އާރު އެމް.ޑީ.ޕީ ގެ ހުރިނަމަ، މިއަދު އޮތް ސަރުކާރުގަ އެކަން ނުކުރެވިގެން އުޅެންޖެހޭނެ ކަމަކަށް ސަބަބުވެރި އިންސާނެއްގެ ވިސްނުމަކަށް ޤަބޫލެއް ނުކުރެވޭ

ޓެކްސް ކުޑަކުރައްވާ މިވަގުތު ރައްޔިތުންނަށް ކުރިމަތި ވެފައިވާ ތަކްލީފުތަކަށް “ޝިފާ” އެއް ހޯއްދަވައިދެއްވާނެކަމުގެ ވަޢްދުވެ ވަޑައިގެންންވި އިރު އެމަނިކުފާނު އެމަޖިލީހެއްގެ ރިޔާސަތުގައި މިވަގުތު އިންނެވި، އަދި އެމަޖިލީހެއްގެ ސާފު އަޣްލަބިއްޔަތު ވެރިކަމުގެ ބާރަށް ލިބިފައިވާ އަދި އެ ވެރިކަމުގެ ފުރިހަމަ ކޮންޓްރޯލް އެ ޕާރޓީއެއްގެ އަތުގައި އޮތް ޕާރޓީގެ ރައީސަކަށް ހުންނަވައިގެން ކީއްވެތޯ ރައްޔިތުންނަށް މިތަކުލީފު ކުރިމަތި ކުރެއްވީ؟ ކޮންކަމެއް މަދުވެގެންތޯ މިއަދު އެވިދާޅުވާ ކަންކަން ނުކުރެވިގެން އެއުޅުއްވަނީ؟ ޙަޤީޤަތުގައި އަންނި ކުރައްވަމުން އައި މަސައްކަތަކީ 2023 ގައި ވެރިކަން ހޯދުމަށްޓަކައި މިސަރުކާރުގެ ކަންކަން ދޯހަޅި ކުރެއްވުމުގެ މަސައްކަތް! ކުޑައިރުގެ ގާތް ރަޙްމަތްތެރިޔާއަށް ތިޔަދެއްވީ ކޮޅުކެއްސެއް! އެންމެ ގާތްމީހާގެ ކަރަށް ފައިން އަރާފިއްތާލާފަ ދެން ކޮން ރައްޔިތެއްގެ ހެވަކާ ލާބައަށްތޯ އަންނި މަސައްކަތް ކުރައްވާނީ؟
ރައްޔިތުންނޭ ނިކަން ހޭލާ ތިއްބަވާ. ރައީސް ނަޝީދަކަށް އިސްލާމީ ވެރިކަމެއް ނުކުރެއްވޭނެ. އެހެނީ ރައީސް ނަޝީދަކީ އިނގިރޭސިން ޖަހާހާ ބެރަކަށް ލެނބޭނެ ބޭފުޅެއް. ހަމައެގޮތަށް މިހާރު ފެނަން އޮތް ޙަޤީޤަތަކީ ރައީސް ޞާލިޙަށް ވެސް “ޞާލިޙް” ވެރިކަމެއް ނުކުރެއްވޭނެކަން. އެބޭފުޅާވެސ ހުންނެވީ ބޭރުގެ ބާރެއްގެ މުށުތެރޭގައި ފިތި ބާރުވެފަ

އެފް.އޭ